Latviya hukumati talabalar, tadqiqotchilar va oliy ta’lim muassasalari xodimlari uchun yozgi maktablarda ishtirok etish uchun grantlar e’lon qiladi. Dasturlar Latviyaning turli shaharlarida ingliz tilida tashkil etiladi.

 Grantning Afzalliklari:

• Moliyaviy yordam: G‘oliblarga 1000 yevro miqdorida mablag‘ ajratiladi.
• Ushbu mablag‘ bevosita tashkilotchiga o‘tkaziladi va ishtirok etish to‘lovi, turar joy, oziq-ovqat, ma’ruzalar, ekskursiya va madaniy tadbirlarni qoplaydi.
• Sertifikat: Dastur yakunida barcha ishtirokchilarga maxsus sertifikat beriladi.
• Muhim eslatma: Viza va Latviyaga borish-kelish xarajatlari ishtirokchining o‘z hisobidan qoplanadi.

 Kimlar topshira oladi?

Nomzodlar quyidagi talablarga javob berishi lozim:

1. Bakalavr, magistratura yoki doktorantura talabasi, yoxud OTM xodimi (o‘qituvchi/tadqiqotchi).
2. Ingliz tilini bilish majburiy.
3. Grant ajratilishi mo‘ljallangan davlatlar (jumladan, O‘zbekiston, Tojikiston, Turkmaniston, Qozog‘iston va Qirg‘iziston) fuqarosi bo‘lish.

 Zaruriy hujjatlar va Ariza topshirish:

Arizalar onlayn tarzda, bevosita tanlangan yozgi maktabning veb-sayti orqali yuboriladi.

• Kerakli hujjatlar:
  • Yozgi maktabning ariza shakli;
  • CV (rezyume);
  • Motivatsiyon xat(Motivation Letter).
• Til: Ariza va barcha hujjatlar ingliz tilida bo‘lishi shart.

Amaliyot 6 ta turli universitetda bo’lgani tufayli hujjatlar biroz farq qilishi mumkin.

 Muddat:

• Oxirgi muddat: 2026-yil 1-aprelgacha.
• Amaliyot davomiyligi: 2026-yil 28-iyundan 20- avgustgacha

Eslatma: Stipendiyasiz, ya'ni to‘liq o‘z hisobingizdan ham yozgi maktablarda qatnashishingiz mumkin.

Batafsil ma’lumot va hujjat topshirish uchun: Summer schools | Valsts izglītības attīstības aģentūra