Uchrashuvda ma’ruzachilar tomonidan mamlakatimizda korrupsiya va jinoyatchilikka qarshi kurashish yo‘nalishida olib borilayotgan ishlar, aholining huquqiy ongi va huquqiy madaniyatini yuksaltirish, davlat va jamiyat hayotining barcha sohalarida korrupsiyaning  oldini olishga qaratilgan chora-tadbirlar, korrupsiyaga imkon beruvchi sabablar va shart-sharoitlarni bartaraf etish, korrupsiyani sodir etganlik uchun javobgarlikning muqarrarligi haqida ma’lumot berildi. Korrupsion holatlarni aniqlash, oldini olish, ularga chek qo‘yish borasida filialda olib borilayotgan Dastur (Siyosat) bilan talabalar tanishtirildi. Mavzu doirasida yoshlarni qiziqtirgan savollarga javob qaytarildi.