Eng yaxshi ixtirochi va ratsionalizatorlar tanlab olindi!

Bugun Samarqand Yoshlar texnoparkida “Ixtirochilik va ratsionalizatorlik” ko‘rik-tanlovining Samarqand viloyati bosqichi bo‘lib o‘tdi.

Tanlovning asosiy maqsadi isteʼdodli yoshlarni kashf qilish, ularning ixtirochilik va ratsionalizatorlik faoliyatini qo‘llab-quvvatlash, intellektual salohiyatini rivojlantirish va innovatsion tashabbuslarga yo‘naltirishdan iborat.

Natijalarga ko‘ra, Toshkent davlat iqtisodiyot universiteti Samarqand filiali o‘qituvchisi Fazliyev Salohiddin Shavkatovich “Yashil minoralar – ECOTOWER” loyihasi bilan g‘oliblikni qo‘lga kiritdi.

G‘olib respublika bosqichida ishtirok etish imkoniyatiga ega bo‘ladi. Respublika bosqichi 2025-yil 9–11-oktabr kunlari “InnoWeek.Uz-2025” xalqaro innovatsion g‘oyalar haftaligi doirasida o‘tkaziladi.