TDIU Samarqand filialida Oliy ta’lim, fan va innovatsiyalar vazirligining tegishli topshirig‘i hamda Filial direktorining 79-U-son buyrug‘i ijrosini ta’minlash maqsadida Iqtisodiyot fakultetida “Eng faol yil talabasi” tanlovining fakultet bosqichi o‘tkazildi.

Tanlovning maqsadi – talabalarni vatanparvarlik ruhida tarbiyalash, ularning intellektual salohiyati, tashabbuskorligi va liderlik fazilatlarini rivojlantirish, shuningdek, talabalik nufuzini oshirishdan iborat bo‘ldi.

Baholash jarayonida tanlov Nizomida belgilangan mezonlar asosida 9 nafar iqtidorli talaba ishtirok etdi. Tanlov quyidagi yo‘nalishlarda o‘tkazildi: ixtirochi-innovator, iqtidorli talaba, sportchi, targ‘ibotchi, mutaxassisligi bo‘yicha bilimdon va ijodkor talaba.

Fakultet bosqichi natijalariga ko‘ra, quyidagi talabalar filial bosqichiga tavsiya etildi:

• “Yilning eng faol ixtirochi-innovator talabasi” – Abduboqiyev Hojiakbar Abdumalik o‘g‘li (4-bosqich)

• “Yilning eng faol iqtidorli talabasi” – Muqimov Abdujalil Dilmurod o‘g‘li (2-bosqich)

• “Yilning eng faol sportchi talabasi” – Matkarimov Mamurjon Jo‘rabek o‘g‘li (2-bosqich), Oblaqulova Gulsanam Mustafo qizi (2-bosqich)

• “Yilning eng faol targ‘ibotchi talabasi” – Jamoliddinova Niginabonu Bahodir qizi (2-bosqich), Umarova Mohinur Baxriddin qizi (3-bosqich)

• “Yilning o‘z mutaxassisligi bo‘yicha eng bilimdon talabasi” – Abduraxmonova Sevinch Alisher qizi (4-bosqich), Rustamova Barchinoy Asliddin qizi (3-bosqich)

• “Yilning eng faol ijodkor talabasi” – Mamarasulova Nilufar Mamarasul qizi (2-bosqich)

“Yilning eng faol tadbirkor talabasi” (xotin-qizlar uchun) nominatsiyasiga murojaat kelib tushmadi.