#InnoWeek_2025

🇺🇿 “InnoWeek.Uz – 2025” haftaligi doirasida Samarqand viloyatida innovatsion mahsulotlar va ilmiy ishlanmalar ko‘rgazmasi hamda startaplar festivali bo‘lib o‘tdi.

 Tadbir davomida oliy ta’lim muassasalarida yaratilgan ilg‘or ilmiy ishlanmalar, startap loyihalari, tijoratlashtirishga tayyor innovatsion mahsulotlar, shuningdek, mahalliy ishlab chiqaruvchilar tomonidan taqdim etilgan yangi mahsulot namunalari keng jamoatchilik e’tiboriga havola qilindi.

 Mazkur nufuzli ko‘rgazmada Toshkent davlat iqtisodiyot universiteti Samarqand filiali jamoasi ham faol ishtirok etib, o‘zining qator innovatsion ishlanmalari va startap loyihalarini taqdim etdi. Xususan, iqtisodiyot va barqaror biznes fakulteti katta o‘qituvchisi S.Fazliyev hamda “Raqamli iqtisodiyot va axborot texnologiyalari” kafedrasi dotsenti v.v.b, texnika fanlari bo‘yicha falsafa doktori (PhD) Giyosov Ulug‘bek Eshpulatovichning faol ishtiroki filialimiz loyihalarining ilmiy va amaliy jihatdan boyishiga xizmat qildi.

 Shuningdek, tadbirda ilmiy ishlar bo‘yicha direktor o‘rinbosari Z.Abdullayev, bo‘lim boshliqlari S.Abduvoxidov va J.Bo‘riboyevlar, filial tyutorlari hamda bir qator iqtidorli talabalar ham o‘z tashabbuslari bilan ishtirok etishdi.

 Bunday yirik ko‘rgazmalar nafaqat innovatsion g‘oyalarni ommalashtirish, balki yoshlarning ijodiy salohiyati va startap tashabbuslarini yuzaga chiqarish, ularni rag‘batlantirish hamda yangi hamkorlik aloqalarini o‘rnatishda katta ahamiyat kasb etadi.

#InnoWeek #Innovatsiya #Startup #TDIUSamarqand