2025-yil 28–29-may kunlari Andijon qishloq xo‘jaligi va agrotеxnologiyalar institutida o‘tkazilgan “Qishloq xo‘jaligi, suv resurslarini boshqarish va atrof-muhit” yo‘nalishidagi Erasmus+ klaster uchrashuvida Toshkent davlat iqtisodiyot universiteti Samarqand filiali faol ishtirok etdi.

Filial nomidan o‘quv ishlari bo‘yicha direktor o‘rinbosari, iqtisodiyot fanlari doktori Farhod Axrorov so‘zga chiqib, Erasmus+ CBHE doirasidagi “TOPAS” va “AgroDEV” loyihalari tajribasi asosida agroiqtisodiy ta’limni amaliyotga yaqinlashtirish, barqaror oziq-ovqat tizimlarini rivojlantirish hamda xalqaro integratsiyani kuchaytirish yo‘nalishidagi ishlanmalarni taqdim etdi.

Tadbir davomida Erasmus+ loyihalarining barqarorligi, o‘quv dasturlarini modernizatsiya qilish, xalqaro hamkorlikni kengaytirish va akademik-amaliy ta’lim integratsiyasi yuzasidan fikr almashildi.