O‘zbekiston Respublikasi Vazirlar Mahkamasining 2022-yil 11-yanvardagi 17-son qarori bilan tasdiqlangan “Texnikumlarni muvaffaqiyatli tamomlagan bitiruvchilarni oliy ta’lim muassasalarining bakalavriat ta’lim yo‘nalishlariga suhbat asosida o‘qishga qabul qilish tartibi to‘g‘risida” Nizomga asosan 2025-yil 15-avgust kuni soat 9:00da TDIU Samarqand filiali A-bino 203-xonasida Texnikumlar bitiruvchilarini filialga o‘qishga qabul qilish bo‘yicha o‘tkaziladigan suhbat jarayoni oʻtkaziladi.

Unda O‘zbekiston Respublikasi Oliy ta’lim, fan va innovatsiyalar vazirligining Texnikumlarni muvaffaqiyatli tamomlagan bitiruvchilarni oliy ta’lim muassasalarining bakalavriat ta’lim yo‘nalishlariga suhbat asosida o‘qishga qabul qilish uchun suhbat.edu.uz sahifasida TDIU Samarqand filiali uchun roʻyxatdan oʻtganlar qatnashadilar.

Barcha suhbatda qatnashuvchilar belgilangan manzilga shaxshingizni tasdiqlovchi hujjatlar bilan  8:00 da yetib kelishingiz soʻraladi.

Baholash meʼzonlariga ko‘ra, ballarning oʻrtachasi 67  va undan yuqori boʻlganda talabgor suhbatdan oʻtgan hisoblanadi. Qayd etish lozim, filialning 4 ta’lim yo‘nalishlariga 27 nafar nomzod hujjat topshirgan.

Texnikumlarni muvaffaqiyatli tamomlagan bitiruvchilarni oliy ta’lim muassasalarining bakalavriat ta’lim yo‘nalishlariga suhbat jarayoniga oid savollar, baholash mezoni, dasturlar va shu kabi tegishli hujjatlar bilan TDIU Samarqand filiali veb-sahifasidagi https://www.sbtsue.uz/uz/page/texnikum-oquv-qabul  manzil orqali tanishishlaringiz mumkin.