Toshkent davlat iqtisodiyot universiteti Samarqand filiali Ekofaol talabalari tomonidan atrof-muhitni muhofaza qilish, ekologik madaniyatni oshirish va tabiatni asrab-avaylashga hissa qo‘shish maqsadida navbatdagi ekotashabbus amalga oshirildi.

Xususan, “Chiqindisiz tabiat” shiori ostida Plogging (yugurish davomida chiqindi terish) aksiyasi tashkil etildi. Talabalar tabiat qo‘ynida nafaqat sog‘lom turmush tarzini targ‘ib qildilar, balki ekologik tozalikka o‘zlarining bevosita hissasini qo‘shdilar.

Aksiya davomida 62 kilogramm turli chiqindilar yig‘ib olindi va ular maxsus chiqindi mashinalariga topshirildi. Tadbir nafaqat talabalarning ekologik ongini mustahkamlashga, balki jamiyatda tabiatga nisbatan mas’uliyat hissini shakllantirishga xizmat qildi.

Mazkur ekotashabbus doirasida Plogging aksiyalarini muntazam davom ettirish rejalashtirilmoqda.