AKADEMIK QARZDOR (FANLAR FARQINI) QAYTA O‘QIMOQCHI BO‘LGAN TALABALAR DIQQATIGA!

O‘zlashtirilmagan (akademik qarzdor, fanlar farqi) fanlarni o‘z hisobidan qayta o‘qimoqchi bo‘lgan talabalar arizalarini topshirish 2025-yil 28-iyuldan 2025-yil 3-avgustga (soat 23:59 gacha) davom etadi.

Ariza topshirish tartibi:

1. HEMIS platformasidan “QAYTA O‘QISH” bo‘limidagi “ARIZA QAYTA O‘QISH” punktiga kiriladi, qarzdor fanlar tanlanadi va ariza yuboriladi.

2. HEMIS platformasidan ariza yuborilgach, kontrakt.edu.uz saytida shaxsiy kabinetga kiriladi, Kredit modul bo‘limidagi “arizam” punktidan HEMIS’da tanlangan aynan o‘sha fanlar yana bir bor belgilanib ariza yuboriladi.

Izoh: Agar HEMIS platformasidagi fanlar bilan kontrakt.edu.uz saytida ko‘rsatilgan fanlar o‘rtasida farq bo‘lsa, ariza qabul qilinmaydi.

Kredit modul bo‘limidagi shartnoma punktida 1 ish kuni davomida shartnomalar shakllantiriladi.

Akademik qarzdorlik bo‘yicha shartnomalarni olish va kredit to‘lovlarini filial hisob raqamiga o‘tkazish muddati 2025-yil 28-iyuldan 2025-yil 4-avgustgacha (soat 23:59 gacha) amalga oshirilishi shart (shu kuni ham).

Yozgi semestr doirasida qayta o‘qish hamda guruhlar tashkil etish jarayoni 2025-yil 11-avgustdan 23-avgustgacha bo‘lgan davrda dars jadvali asosida tashkil etiladi.

Qo‘shimcha savollar bo‘yicha murojaat uchun:

HEMIS platformasidan ariza yuborish bo‘yicha:
Registrator ofisi menejeri – A-bino, 107-xona
 Tel: 94-471-55-22 (Shahobiddin Tilavov)

 Kontrakt.edu.uz saytidan shartnoma olish bo‘yicha:
Registrator ofisi menejeri – B-bino, 101-xona
 Tel: 93-347-58-67 (Orzubek Fattoyev)
 Telegram: https://t.me/FattoyevOX

Eslatma: Qayta o‘qish dars jadvalida bitta talaba uchun ikkita fan bir vaqtda (bitta para) to‘g‘ri kelib qolsa, talaba faqat bitta fan bo‘yicha darsga qatnashadi va o‘sha fan bo‘yicha bilimni o‘zlashtiradi.