ABDUSAID KO'CHIMOV

Abdusaid Ko‘chimov 1951-yil 15-mayda Samarqandning Urgut tumanida tug‘ilgan. Toshkent Davlat pedagogika institutining ozbek tili va adabiyoti fakultetini tugatgan (1968-1972). Ilk kitobi-”Kashfiyotchi bolalar” 1975 yilda chop etildi. Shundan so‘ng uning “Halqa”, ”Qiyofa”, ”Mening yulduzim”, “Umid darahtlari”, ”Chanoq”, ”Ikki bahor” kabi sheʼriy va nasriy kitoblari nashr qilindi. “Baland tog‘lar” (2002)saylanma kitobiga yozuvchining qissalari, dostonlari, sheʼrlari kiritilgan. A. Ko‘chimov Halqaro YUNESKO mukofoti, G‘afur G‘ulom nomidagi mukofot bilan taqdirlangan. Unga “O‘zbekistonda xizmat ko‘rsatgan jurnalist” unvoni, ”Shuhrat” medali, “Mehnat shuhrati” ordeni berilgan.

NURULLO OSTON

Nurullo Oston 1955-yilning 10-sentabrida Samarqand viloyatining Samarqand tumanida tugʻilgan. 1981-yil Toshkent Davlat Universitet jurnalistika fakultetini, 1989-yil Leningrad oliy partiya maktabini tugatgan. Nurullo Ostonov 1991-yildan Oʻzbekiston Yozuvchilar uyushmasi aʼzosidir. Uning «Yulduzlar chaqnagan tun», «Bahor raqsi», «Yoʻldagi buloq», «Yuragimning bezovta guli», «Qadim yoʻllarda», «Osmon toʻla farishta» nomli sheʼriy toʻplamlari nashrdan chiqqan. Ijodkor turkman shoirining «Rangli yomgʻirlar» sheʼriy toʻplami hamda Dogʻiston xalq shoiri Rasul Hamzatovning «Bir oila farzandlari» nomli sheʼriy toʻplamlarini tarjima qilgan. Hozirda Nurullo Ostonning «Yigʻlaydigan oʻlik», «Rasmiy laqma», «Yeyishib oʻtiraylik», «Yollanma xotin» nomli hajviy janrdagi kitoblari nashrga tayyorlanmoqda. Adibning eng sara va mashhur asarlari «Yigʻlaydigan oʻlik», «Rasmiy laqma», «Yeyishib oʻtiraylik», «Yollanma xotin»lardir.

XURSHID NURULLAYEV

Xurshid Nurullayev 1959-yil 3-sentabrda Samarqand shahrida oʻqituvchilar oilasida tugʻilgan. Samarqand tumanidagi 56-son umumtaʼlim maktabni oltin medal bilan bitirgan. Oilali, 3 nafar farzandi bor. Samarqand shahrining “Yuksalish” mahallasida yashaydi. 1981-yilda Samarqand davlat arxitektura va qurilish institutini tugatgan. Uzoq yillar davlat boshqaruv tizimida ishlagan. Ayni vaqtda “Nuroniy” jamgʻarmasi Samarqand shahar boʻlimi raisi. Adibning hikoya va hajviy asarlari kitob holida chop etilgan. Adibning eng sara va mashhur asarlari “Yomgʻir hidi” va “Besh fasl va yurt vasfi” nomli sheʼriy, “Tugʻyon” nomli sheʼr va hikoyalar hamda “Koʻngil chashmasida tomchilar – 3063 ta aforizm” kitoblaridir. Adibning soʻnggi chop etilgan kitobi “Tafakkur tasviri” sheʼrlar va hikoyalar toʻplami hisoblanadi.