Ташрифдан кўзланган асосий мақсад Индонезия университетларининг Марказий Осиё давлатлари, хусусан Ўзбекистон университетлари билан илмий ҳамкорликни йўлга қўйишдан иборат. Учрашув якуни бўйича профессор-ўқитувчиларнинг стажировка ва малака ошириши, талабалар алмашинув дастурлари бўйича икки давлат университетларида талабалар ўқишини ташкил этиш, докторантларга хорижий илмий маслаҳатчиларни тайинлаш, биргаликда илмий тадқиқот олиб бориш ва халқаро нуфузли журналларда мақола чоп эттириш, илмий семинарлар ва конференциялар ташкил этиш, ўқув материаллари алмашинувини ривожлантириш каби алоқаларни ривожлантиришга келишиб олинди.