Тренинг семенар координатори “Рақамли иқтисодиёт ва ахборот технологиялари” кафедраси ассистенти А.Абдунабиев томонидан ХEМИС тизимида профессор-ўқитувчилар учун мустақил таълим топшириқларини бажарилишини бошқариш ва баҳолаш бўйича семинар-тренингда бир қанча масалалар кўриб чиқилди.

1.ХEМИС тизимида профессор-ўқитувчилар учун имкониятлар: Ҳар бир ўқитувчининг шахсий кабинети, фанлар ва талабалар бўйича маълумотларга кириш, баҳо ва топшириқларни кўриш ва назорат қилиш бўйича дастлабки тушунчалар берилди.

2.Мустақил таълим топшириқларини тайёрлаш ва юклаш: ўқитувчиларга мустақил таълим топшириқларини яратиш, талабаларга етказиш учун тизимга юклаш жараёнлари кўрсатилди. Шунингдек, турли форматдаги ресурслар (матнли, аудио, видео) юклаш ва улардан фойдаланиш бўйича қўлланмалар берилди.

3.Баҳолаш ва қайта алоқа: ўқитувчилар талабалар топшириқларини текшириш ва тизим орқали баҳо киритиш, талабаларга тўғридан-тўғри қайта алоқа бериш усуллари билан таништирилди. Топшириқларни баҳолаш учун электрон баҳолаш мезонлари ва ҳисоботларни кўриш имкониятлари ўрганилди.

4.Мустақил таълим жараёнини мониторинг қилиш: ўқитувчилар талабаларнинг мустақил таълим топшириқлари бўйича фаолиятини кузатиш, жараённи таҳлил қилиш ва талабаларга ёрдам кўрсатиш учун мониторинг қилиш воситаларидан фойдаланиш бўйича маълумотлар олишди.

5.Техникавий муаммолар ва қўллаб-қувватлаш: тизимдан фойдаланиш давомида учраши мумкин бўлган асосий муаммолар, уларнинг ечимлари ва қўллаб-қувватлаш хизмати билан ишлаш тартиби ўрганилди.
​
Семинар тренинг давомида реал амалиёт орқали кўникмалар шакллантирилди, ўқитувчиларга замонавий таълим жараёнини самарали бошқариш ва талабаларни мустақил таълимда фаоллаштириш имкониятлари билан танишиш имкони яратилди.