ТДИУ Самарқанд филиалида талаба-йошлар билан учрашув

  2025 йил 18 сентябр
 Тошкент давлат иқтисодиёт университети Самарқанд филиали

Тошкент давлат иқтисодиёт университети Самарқанд филиалида “Жаҳолатга қарши – маърифат билан кураш!” ҳамда “Инсон қадри ва ҳуқуқларининг устуворлиги – тараққиёт пойдевори” мавзуларида талаба-йошлар билан учрашув ташкил этилди.

Учрашув иштирокчилари

Мазкур тадбирда:
 О. Муртазаев – ТДИУ Самарқанд филиали директори,
 С.М. Боймуродов – Самарқанд вилояти диний ишлар бўйича қўмита ҳудудий бошқарма раҳбари,
 А. Ахмедов – Коррупцияга қарши кураш “Комплайенс назорат” тизимини бошқариш бўлими бошлиғи,
 Х.И. Турдибеков – ёшлар масалалари ва маънавий-маърифий ишлар бўйича директорнинг биринчи ўринбосари,
шунингдек филиал деканлари, уларнинг ўринбосарлари, таълим-тарбия маслаҳатчилари ҳамда талабалар қатнашдилар.

Асосий мақсад

Учрашувнинг бош мақсади ёшларни ҳушёрликка, огоҳликка чорлаб, уларнинг онг ва тафаккурини соғлом маънавий ғоялар асосида шакллантиришдан иборат бўлди.

Муҳим жиҳатлар

 Тадбир давомида интернет ва ижтимоий тармоқларда тарқатилаётган турли диний ва радикал мазмундаги ғояларнинг салбий оқибатлари ҳақида фикр юритилди.
 Жаҳолатга қарши курашда энг кучли қурол – илм ва маърифат экани таъкидланди.
 Ёшлар ҳар қандай маълумотни танқидий англай билиши, ҳақиқат ва ёлғонни ажрата олиши лозимлиги уқтирилди.