Singapurda ta'lim olish uchun to‘liq grant: Singapore International Graduate Award (SINGA)

Singapurning Science, Technology and Research Agentligi (A*STAR) PhD kurslariga arizalarni qabul qilmoqda. Bu grant ilmiy tadqiqotlarga qiziquvchi va yuqori akademik yutuqlarga ega talabalar uchun mo‘ljallangan bo‘lib, to‘rt yil muddatga beriladi.

Loyihalar bilan quyidagi havola orqali tanishishingiz mumkin:

https://www.a-star.edu.sg/Scholarships/for-graduate-studies/singapore-international-graduate-award-singa/a-star-supervisors-projects

PhD tadqiqotlari quyidagi 4 asosiy yo‘nalishda amalga oshiriladi (bu yo‘nalishlar boshqa mutaxassisliklarga ham bo‘linadi):

1. Biotibbiyot fanlari (Biomedical Sciences)
2. Kompyuter va informatika fanlari (Computing and Information Sciences)
3. Muhandislik va texnologiya (Engineering and Technology)
4. Fizika fanlari (Physical Sciences)

Grant yutib olgan talabalar quyidagi universitetlarda ta'lim olish imkoniyatiga ega bo‘ladilar:

• Science, Technology & Research Agentligi (A*STAR)
• Nanyang Texnologiya Universiteti (NTU)
• Singapur Milliy Universiteti (NUS)
• Singapur Boshqaruv Universiteti (SMU)
• Singapur Texnologiya va Dizayn Universiteti (SUTD)
• Singapur Texnologiya Instituti (SIT)

Grant quyidagi imtiyozlarni taqdim etadi:

• To‘rt yil davomida kontrakt to‘lovi to‘liq qoplanadi.
• Oyiga 2700 SGD (taxminan 2080 USD) stipendiya ajratiladi, muvaffaqiyatli imtihondan so‘ng bu miqdor 3200 SGD (taxminan 2460 USD)gacha oshirilishi mumkin.
• Safar xarajatlari uchun bir martalik 1500 SGD (taxminan 1200 USD) mablag‘ ajratiladi.
• Joylashish uchun bir martalik 1000 SGD (taxminan 780 USD) mablag‘ beriladi.
• Singapurdagi yashash xarajatlari (uy-joy, oziq-ovqat, transport va h.k.) uchun oyiga taxminan 1400-2000 SGD (1050-1500 USD) mablag‘ ajratiladi.

Nomzodlarga qo‘yilgan talablar:

• Barcha mamlakatlardan arizalar qabul qilinadi.
• Nomzod 6 ta universitetning tegishli PhD yo‘nalishlariga mos bo‘lishi lozim.
• Nomzod ingliz tilini og‘zaki va yozma ravishda yaxshi bilishi kerak.
• Nomzodning akademik yutuqlari yuqori darajada bo‘lishi, shuningdek, ijobiy tavsiyanomalarni taqdim qilishi zarur.
• Dastur asosan Singapurda oldin o‘qimagan nomzodlar uchun mo‘ljallangan.

Dasturga ariza topshirish jarayoni:

Dasturga har yili ikki marta ariza qabul qilinadi: Qabul joriy yilning1-iyundan va 1-dekabr sanalarigacha. Qabul qilingan talabalar 2025-yil yanvar oyidan boshlab o‘qishni boshlaydilar.

Hujjat topshirish jarayoni:

1. PhD tadqiqot loyihalari bilan tanishib chiqing va o‘zingizga mos kelganini tanlang.
2. Kerakli hujjatlarni tayyorlang va onlayn tizimga yuklang.

Yuklanadigan hujjatlar:

• Pasport.
• Pasport o‘lchamidagi fotosurat (jpeg yoki png formatida).
• Bakalavriat yoki magistratura diplomi va baholarining ingliz tilidagi tarjimasi
• 2 ta tavsiyanoma (onlayn tarzda to‘ldiriladi).
• NUS uchun GRE sertifikati (faqat NUS universitetiga topshiruvchi talabalar uchun majburiy).
• IELTS, TOEFL yoki boshqa sertifikatlar (universitetlar tomonidan talab qilinishi mumkin, lekin grant dasturi uchun majburiy emas).

Ariza topshirish: https://sms-applicant-app.a-star.edu.sg/ saytida ro‘yxatdan o‘tib, onlayn ariza topshiring.