Maastricht Universiteti (UM) NL-High Potential stipendiya dasturi har akademik yil uchun Yevropa Ittifoqidan  tashqaridagi iste’dodli talabalarga, UMda magistratura dasturiga qabul qilinganlar uchun 34,000 evro (ta’lim to‘lovini to‘lamaslik va har oy stipendiya bilan birga) miqdorida 21 ta to‘liq stipendiya taklif etadi.

Stipendiya dasturi Maastricht Universiteti Stipendiya Fondi tomonidan moliyalashtiriladigan High Potential Stipendiyasini va Niderlandiya Ta’lim, Madaniyat va Ilm-Fan Vazirligi hamda golland universitetlari va amaliy fanlar universitetlari bilan hamkorlikda moliyalashtiriladigan NL Stipendiyasini o‘z ichiga oladi. Bu dastur, Niderlandiya magistratura dasturini o‘qishni xohlaydigan Yevropa Ittifoqidan tashqaridagi xalqaro talabalarga mo‘ljallangan.

Nomzodlarga qo‘yilgan asosiy talablar:

1. 35 yoshdan oshmagan;
2. Viza olish talablariga mos kelishi;
3. Bakalavr dasturidan GPA 7.5 va undan yuqori bo‘lishi (10 ballik sistemada);
4. UM magistratura dasturi talablariga mos kelishi;

Talabalarga yashash xarajatlari, salomatlik va javobgarlik sug‘urtasi, viza uchun ariza berish xarajatlari va pre-akademik tayyorgarlik xarajatlari UM international Services Desk tomonidan qoplanadi.

Yashash xarajatlari uchun 15925 yevro miqdori (oyiga 1225 yevro) quyidagi xarajatlarni o‘z ichiga oladi:

• Uy-joy: € 600
• Oziq ovqat: € 160
• Telefon: € 60
• Sayohat: € 100
• Kiyim kechak va hobby: € 125
• Boshqa xarajatlar: € 90

Grantga ariza berishdan oldin UM da magistratura dasturiga qabul qilinib, student ID ga ega bo‘lishlari shart. Chunki ariza to‘ldirilayotganda student raqami talab qilinadi.

Arizadan tashqari kerak bo‘ladigan hujjatlar:

1. CV
2. Motivation letter
3. Proof of academic excellence
4. Personal statement of financial needs
5. A reference letter

Arizalar 2025-yil 1-fevralgacha qabul qilinadi.

Batafsil ma’lumot uchun:

https://www.maastrichtuniversity.nl/studeren/toelating-inschrijving/financing-your-studies/scholarships/maastricht-university-nl-high#eligible