Бугун, 2025 йил 28 ноябр куни ТДИУ Самарқанд филиалида битирувчи талабалар учун йилнинг энг муҳим ва интиқлик билан кутилган тадбирларидан бири — “Меҳнат ярмаркаси – 2025” кенг қамровда ташкил этилди. Тадбирнинг асосий мақсади — ёш мутахассисларни меҳнат бозоридаги ҳақиқий иш ўринлари ва имкониятлар билан таништириш, корхона ва ташкилотлар ўртасида ўзаро манфаатли мулоқотни йўлга қўйиш ва талабаларнинг касбий ривожи учун мустаҳкам замин яратишдан иборат.

Ярмаркада қатор етакчи корхона ва ташкилотлар ўз вакансиялари билан иштирок этди, битирувчиларга мавжуд иш ўринлари, стажировка дастурлари ҳамда касбий талаблар ҳақида батафсил маълумот берди. Талабалар эса ўз билим ва маҳоратини намойиш этиш, резюмеларини тақдим этиш ва келажакдаги эҳтимолий иш берувчилар билан бевосита суҳбатлашиш имкониятига эга бўлдилар.

Тадбир давомида меҳнат бозоридаги рақобат, замонавий талаблар, мутахассислардан кутилган малака ва кўникмалар ҳақида турли маслаҳатлар берилди. Шунингдек, иш берувчилар томонидан бир қатор дастлабки келишувлар ҳам ўтказилиб, талабаларнинг келажакдаги касбий фаолияти учун муҳим асос яратилди.

“Меҳнат ярмаркаси – 2025” ТДИУ Самарқанд филиали битирувчиларига катта имконият эшигини очди. Бугунги тадбир — уларнинг касбий ҳаётга қадам қўйишида муҳим қадам бўлди.