Ayni kunlarda yurtimiz bo‘ylab yoshlarni kitob mutolaasiga jalb etish, badiiy savodxonlik darajasini oshirish orqali ularni vatanparvarlik va yurtimiz kelajagiga daxldorlik ruhida tarbiyalashga qaratilgan “Ma’rifat ulashib” loyihasi amalga oshirilmoqda. Loyiha doirasida 2024-yil 25-sentyabr kuni  Toshkent davlat iqtisodiyot universiteti Samarqand filiali  tomonidan  O‘zbekiston Yozuvchilar uyushmasi a’zolari, taniqli ijodkorlar Amir Xudoyberdi, Gulandom Togʻayeva va Alisher Boymurodovlarning ijodiy uchrashuvlari tashkil qilindi. 
Unda yoshlar qalbida adabiyotga mehr-muhabbatni yanada kuchaytirish, ona Vatanga sadoqat tuyg‘ularini kamol toptirish muhim masala ekanligi aytib o‘tildi. 
Qizg‘in va samimiy suhbatlar go‘zal mushoiralarga ulanib, o‘quvchilar sevimli ijodkorlarning hayoti va ijodi, she’rlaridan namunalar oʻqidilar.

TDIU Samarqand filiali matbuot xizmati