Latviya hukumati tomonidan chet ellik talabalarni qo‘llab-quvvatlash maqsadida tashkil etilgan Latviya davlat stipendiyasi dasturiga navbatdagi qabul boshlandi.

Mazkur dastur orqali xalqaro talabalar Latviya oliy ta’lim muassasalarida bakalavriat, magistratura va doktorantura bosqichlarida tahsil olishlari mumkin.

Latviya universitetlarida ta’lim asosan latv tilida olib boriladi, ammo ayrim yo‘nalishlar ingliz tilida ham mavjud.

Grant kimlar uchun?
• Bakalavriat bosqichida o‘qishni istaganlar
• Magistratura bosqichi uchun nomzodlar
• PhD (doktorantura) dasturiga hujjat topshirmoqchi bo‘lganlar

 Grant imkoniyatlari

Dastur g‘oliblari quyidagi miqdorda stipendiya oladi:

• Bakalavriat talabalari – 500 yevro/oy
• Magistratura talabalari – 600 yevro/oy
• PhD talabalari – 700 yevro/oy

Shuningdek, ayrim universitetlar stipendiya sohiblarini yotoqxona bilan ta’minlashi mumkin.

Stipendiya:
• Bakalavriat va magistratura uchun – 10 oy
• Doktorantura uchun – 11 oy davomida beriladi.

Keyingi yil stipendiyani davom ettirish uchun qayta ariza topshirish talab etiladi. Bitta nomzod ketma-ket 2 yildan ortiq stipendiya ololmaydi.
Biroq Latviya tarixi, madaniyati, adabiyoti yoki filologiyasi yo‘nalishida magistratura o‘qiyotgan talabalar uchun stipendiya 2 yilga avtomatik berilishi mumkin.

Talablar

Nomzodlar quyidagi shartlarga javob berishi kerak:

• Dastur Latviya bilan ta’lim sohasida hamkor davlatlar fuqarolari uchun mo‘ljallangan. (O‘zbekiston, Qozog‘iston, Qirg‘iziston, Tojikiston va Turkmaniston fuqarolari ham qatnashishi mumkin).

• Bakalavriat stipendiyasiga ariza berish uchun nomzod kamida 1-kursni tamomlagan bo‘lishi kerak.

• Magistratura va PhD uchun bunday talab yo‘q.

• Nomzod ingliz yaxshi bilishi zarur.

• Talaba Latviya hududida kamida 15 kun bo‘lishi shart, aks holda stipendiya berilmaydi.

Ariza topshirish jarayoni

Arizalar maxsus onlayn platforma orqali topshiriladi. Nomzodlar platformada ro‘yxatdan o‘tib, shaxsiy akkaunt yaratishi kerak.

 Ariza topshirish muddati:
2026-yil 1-aprel

Natijalar 2026-yil iyun oyida email orqali e’lon qilinadi.

 Kerakli hujjatlar

• Tanlangan Latviya universitetidan tasdiqlov xati
• CV (Europass formatida)
• Motivatsiya xati
• Diplom va baholar ilovasi (yoki so‘nggi semestr baholari)
• 2 ta tavsiyanoma
• Study plan (o‘quv rejasi)
• Til sertifikati
• Pasport yoki ID karta nusxasi

Ingliz yoki latv tilida bo‘lmagan hujjatlar rasmiy tarjima bilan topshirilishi kerak.

Muddat: 2026-yil 1-aprelgacha

Batafsil ma’lumot uchun: Studies | Valsts izglītības attīstības aģentūra