2025 йил 1 февралдан бошлаб, Ўзбекистон Республикаси Президентининг топшириғига биноан, Олий таълим ташкилотларида ва уларнинг филиалларида ўрта таълим мактаби ўқувчилари ҳамда ижтимоий ҳимояга муҳтож оилаларнинг фарзандлари учун бепул тайёрлов курслари ташкил этилади. 

Ушбу курслар қуйидаги мақсадларни кўзлайди:
 • Умумтаълим фанлари бўйича билимларни ошириш; 
 • Олий таълимга кириш учун зарур кўникмаларни шакллантириш; 
 • Сифатли таълим олиш имкониятини таъминлаш.

Тайёрлов курсларининг асосий шартлари: 
1.Курсларга ўрта таълим мактаби битирувчилари қабул қилинади. 
2.Машғулотлар учун барча зарурий шароитлар яратилган. 
3.Курс машғулотлари учун малакали ўқитувчилар жалб этилади.

Эслатма: Тайёрлов курслари давомида давлат таълим стандартлари асосида махсус фанлар ўқитилади ва тингловчиларни олий таълим тизимига тайёрлаш учун барча имкониятлар яратилади.

Батафсил маълумот учун Тошкент давлат иқтисодиёт университети Самарқанд филиалига мурожаат қилинг.

Барчани мазкур имкониятлардан фойдаланишга таклиф этамиз!