TDIU Samarqand filialida 2026-yil 30-aprel kuni Braziliyalik taniqli iqtisodchi olim, professor Eduardo Amaral Haddad tomonidan “Economics of Disasters” (Ofatlar iqtisodiyoti) mavzusida seminar-trening tashkil etildi.

Seminar-treningda tayanch doktorantlar, mustaqil izlanuvchilar, ilmiy tadqiqotchilar, magistrantlar, professor-o‘qituvchilar hamda mazkur mavzuga qiziqish bildirgan barcha talabalar ishtirok etishdi.

Mazkur seminar davomida ishtirokchilar tabiiy ofatlar (zilzila, suv toshqini, qurg‘oqchilik va boshqalar) hamda inson omili bilan bog‘liq favqulodda holatlarning iqtisodiyotga ta’siri, ularning qisqa va uzoq muddatli oqibatlari, shuningdek, iqtisodiy barqarorlikni ta’minlash va tiklanish mexanizmlari haqida chuqur bilimlarga ega bo‘ldilar.

Seminar-trening ilmiy-amaliy yo‘nalishda olib borilib, unda real misollar, zamonaviy tadqiqotlar natijalari hamda xalqaro tajribalar muhokama qilindi. Ishtirokchilar uchun savol-javoblar va muhokama sessiyalari ham tashkil etildi.

Mehmonlarga esdalik sovg‘alar berildi. Kelgusida ushbu yo‘nalishda ilmiy hamkorlik qilish, birgalikda ilmiy maqolalar chop ettirish, qo‘shma loyihalar tashkil etishga kelishib olindi.