Buyuk Britaniyaning nufuzli University of Sheffield universiteti Allan and Nesta Ferguson Charitable Trust hamda Sheffield Institute for International Development bilan hamkorlikda rivojlanayotgan davlatlardan kelgan iqtidorli talabalarni qo‘llab-quvvatlash maqsadida magistratura uchun to‘liq grant dasturini e’lon qildi.

Mazkur dastur 2026–2027-o‘quv yilida quyidagi yo‘nalishlarda tahsil olish imkonini beradi:

• International Development MSc
• International Political Economy MA

Eslatma: Ushbu grant jami 3 nafar talabaga beriladi.

Grant kimlar uchun?

• Magistratura bosqichida o‘qishni istagan xalqaro talabalar

Grant imtiyozlari:

• O‘qish kontrakt to‘lovi to‘liq qoplanadi
• Yashash xarajatlari uchun £12,500 (taxminan $16,500) stipendiya ajratiladi

 Talablar:

Nomzodlar quyidagi shartlarga javob berishi lozim:

• Rivojlanayotgan davlat fuqarosi bo‘lishi (O‘zbekiston, Qirg‘iziston, Tojikiston, Afg‘oniston ham kiradi)
• Yuqoridagi magistrlik dasturlaridan biriga qabul xati olgan bo‘lishi
• Boshqa grant yoki moliyaviy yordam olmayotgan bo‘lishi
• Ingliz tilini bilish darajasi: kamida IELTS 6.5 (har bir bo‘limdan 6.0)
• 2026-yil sentyabr oyida o‘qishni boshlashga tayyor bo‘lishi (kechiktirish mumkin emas)
• Buyuk Britaniya vizasini olish imkoniyatiga ega bo‘lishi

Qabul jarayoni:

• Dastlab magistrlik dasturlaridan biriga ariza topshirib, qabul xati olish kerak
• Qabul qilingan nomzodlar ichidan saralanganlar grant uchun alohida ariza topshirishga taklif etiladi
• Agar 2026-yil 15-maygacha taklif olmasangiz, demak siz qisqa ro‘yxatga kiritilmagansiz

 Kerakli hujjatlar:

• Bakalavr diplomi va ilovasi (ingliz tiliga tarjimasi bilan)
• Transkript (agar hali bitirmagan bo‘lsangiz)
• 2 ta akademik tavsiyanoma (talab qilinishi mumkin)
• IELTS yoki boshqa til sertifikati
• Kamida 300 so‘zdan iborat motivatsion xat
• CV
• Ish tajribasi yoki portfolio (mavjud bo‘lsa)

Ariza muddati: 2026-yil 8-may

Batafsil ma’lumot uchun: How to apply | Postgraduate study | The University of Sheffield