AQSh Davlat departamenti, Ta’lim va madaniyat ishlari byurosi dasturi bo‘lgan Global Undergraduate Exchange Program (Global UGRAD) AQSh kollejlari yoki universitetlarida bir semestr davomida o‘qish uchun stipendiya taqdim etadi.

Global UGRAD dasturi 1 semestr davomida talabalar AQShlik tengdoshlari bilan bir kampusda yashab tahsil oladi va bakalavriat darajasidagi to‘liq kunlik darslarga qatnashadi, shu jumladan bitta AQSh tadqiqot kursiga yozilishadi. Talabalar, shuningdek, dastur yakunida Vashingtonda o‘tkaziladigan seminar orqali liderlik ko‘nikmalarini yanada rivojlantirish, global hamkasblari bilan aloqalar o‘rnatish va qaytish uchun tayyorgarlik ko‘rishadi.

Talabalar AQShda o‘zlari o‘qishni istagan muassasani tanlay olmaydilar va akademik qiziqishlariga mos keladigan eng maqbul muassasaga joylashtiriladilar.

Dastur maqsadlari

• AQSh va ishtirokchi mamlakatlar xalqlari o‘rtasida o‘zaro birdamlikni oshirish
• Ishtirokchi mamlakatlar talabalarida akademik, madaniyatlararo va yetakchilik qobiliyatlarini rivojlantirish uchun boy almashinuv tajribasini taqdim etish;
• Talabalarning uzoq muddatli akademik va kasbiy maqsadlarini amalga oshirishlari uchun zarur bo‘lgan akademik bilimlari va professional ko‘nikmalarini oshirish;
• AQSh haqida keng tushunchaga ega bo‘lishlarini shakllantirish;
• AQShdagi qabul qiluvchi universitetlar va mahalliy jamoalar bilan aloqalar o‘rnatish imkoniyatlarini yaratish;
• Talabalarni o‘z mahalliy va global jamoalarining fuqarolik hayotida konstruktiv ishtirok etishga undash.

Moliyaviy qo‘llab-quvvatlash

Global UGRAD to‘liq moliyalashtiriladigan almashinuv dasturi bo‘lib, talabalarning AQShga borish va qaytish xarajatlari, universitet o‘qish to‘lovi, yashash va ovqatlanish xarajatlari, tibbiy sug‘urta, zarur kitoblar va mayda xarajatlar uchun stipendiya ajratadi.

O‘zbekistonlik nomzodlar uchun talablar

• Dastur boshlanishida kamida 18 yoshga to‘lgan bo‘lishi kerak;
• O‘zbekiston fuqarosi bo‘lib, ayni paytda O‘zbekistonda yashaydigan va o‘qiyotgan bo‘lishi kerak;
• O‘zbekistonning akkreditatsiyadan o‘tgan har qanday davlat yoki xususiy universitetida to‘liq kunduzgi bakalavriat talabasi bo‘lishi va o‘qishni davom ettirayotgan bo‘lishi kerak;
• Global UGRAD dasturidan so‘ng o‘z OTMlarida kamida bitta akademik yili qolgan bo‘lishi kerak (3-4-kurslar qatnasha olmaydi). Global UGRAD dasturi talabaning bakalavriatdagi oxirgi o‘quv muddati bo‘la olmaydi;
• Akademik ishlari, jamoat faoliyati va qo‘shimcha mashg‘ulotlari orqali yetakchilik salohiyatini namoyon eta olishi kerak;
• Ingliz tili darajasini namoyish eta olishi kerak; finalchilar va muqobil nomzodlardan TOEFL iBT topshirishlari talab qilinadi va TOEFL imtihoni xarajati dastur tomonidan qoplanadi;
• 2025-yil avgust oyida (kuzgi semestr) yoki 2026-yil yanvar oyida (bahorgi semestr) AQShda o‘qishni boshlay olishi kerak;
• Dastur tugagandan so‘ng to‘g‘ridan-to‘g‘ri o‘z yurtiga qaytishi talab qilinadi.

​Kimlarga ustunlik beriladi

AQShda yoki o‘z mamlakatlaridan tashqarida kam tajribaga ega yoki umuman tajribaga ega bo‘lmaganlarga ustunlik beriladi. Agar talabgor AQSh hukumatining homiylik yoki moliyalashtirgan almashinuv dasturida olti haftadan ko‘proq vaqt qatnashgan bo‘lsa va ariza berish vaqtida ikki yillik uyga qaytish talabi bajarilmagan bo‘lsa, ular dasturda ishtirok eta olmaydi.

Quyidagi talabgorlar Global UGRAD dasturida ishtirok eta olmaydi:

• AQSh fuqarolari va AQShning doimiy yashovchi rezidentlari;
• Hozirda O‘zbekistondan tashqarida o‘qiyotgan, yashayotgan yoki ishlayotgan shaxslar;
• Hozirda bakalavriatda yakuniy o‘quv yilida o‘qiyotgan shaxslar;
• Global UGRAD almashinuv dasturi bitiruvchilari;
• AQSh hukumatining homiylik yoki moliyalashtirgan almashinuv dasturida (masalan, AQSh Davlat departamenti, AQSh elchixonalari, AQSh Xalqaro taraqqiyot agentligi (USAID) yoki boshqa AQSh hukumat agentliklari) olti haftadan ortiq vaqt davomida qatnashgan va ariza topshirish muddati yakunlanishidan oldin ikki yillik uyga qaytish talabini bajarmagan shaxslar;
• So‘nggi uch yil ichida AQSh doimiy yashovchi rezidentligi uchun ariza bergan shaxslar;
• AQSh elchixonalarida ishlayotgan mahalliy xodimlar, shu jumladan AQSh Davlat departamenti yoki USAID xodimlari, o‘z ish joylarida ishlayotgan davrda va ishni tugatganidan keyin bir yil davomida ishtirok eta olmaydilar;
• AQSh Davlat departamenti yoki USAID xodimlarining yaqin oilaviy a’zolari (ya’ni, er-xotinlar va qaramog‘idagi farzandlar), ishni tugatganidan keyin bir yil davomida ishtirok eta olmaydilar. Ushbu qoidalar, ota-onalaridan mustaqil yashayotgan va o‘zini-o‘zi ta’minlayotgan oila a’zolariga tadbiq qilinmaydi.

Dasturga ariza topshirish uchun,

Quyidagi havolani bosing: https://worldlearning-program.my.site.com/ugradstudent/s/login/?ec=302&startURL=%2Fugradstudent%2Fs%2F

Ariza topshirish muddati:
Arizalar 2024-yil 15-dekabr UTC-04:00 bilan soat 11:59dan kechiktirmasdan onlayn tarzda topshirilishi kerak. Arizalar faqat ingliz tilida to‘ldirilishi zarur. Nomzodlarga arizalarni belgilangan muddatdan ancha oldin to‘ldirib, topshirishni tavsiya etamiz, shunda oxirgi daqiqalarda yuzaga kelishi mumkin bo‘lgan muammolarning oldi olingan bo‘ladi. Muddatdan keyin arizani tahrir qilish imkoni bo‘lmaydi!

Ariza materiallari:

Akademik tavsiya xati

https://uz.usembassy.gov/wp-content/uploads/sites/78/Faculty-Recommendation-Form.pdf

Ikkinchi tavsiya xati

https://uz.usembassy.gov/wp-content/uploads/sites/78/Personal-Recommendation-Form.pdf

Ariza qo‘llanmasi

https://uz.usembassy.gov/wp-content/uploads/sites/78/UGRAD-Student-Applicant-Guide.pdf

Agar dastur bilan bog‘liq savollaringiz bo‘lsa,

Filialimiz xalqaro hamkorlik bo‘limiga murojat qiling:
A bino 2-qavat O.Muydinov, tel: 91 534 54 14

yoki "Global UGRAD" mavzusida Tashkent-Program@state.gov manziliga elektron pochta manziliga yuborishingiz mumkin.